Резинэн өргөтгөлийн холбоос

2025-08-08

Резинэн өргөтгөлийн холбоос (Rubber Expansion Joint) нь өндөр уян хатан, өндөр битүүмжлэл, зэврэлтэнд тэсвэртэй, цаг агаарт тэсвэртэй резинэн материалаар хийгдсэн юм, ихэвчлэн металл фланц эсвэл урсгалтай холболттой хоолойн системд ашиглагддаг уян холбогч юм.

Бүтээгдэхүүний тодорхойлолт:

Резинэн өргөтгөлийн холбоос (Rubber Expansion Joint) нь шингэн, хий, уур, халуун ус, химийн бодис зэргийг дамжуулах хоолойн системд үүсэж болох хөдөлгөөн, чичиргээ, даралтын өөрчлөлт, температурын хэлбэлзэл зэрэгт уян хатан байдлаар хариу үйлдэл үзүүлэх зорилготой, өндөр уян чанартай резин болон металл эд ангиудын хослолоос бүтсэн холбох хэрэгсэл юм.
Мөн энэхүү бүтээгдэхүүн нь хоолойн холболтын хэсгүүдэд үүсдэг тэлэлт, агшилт, төвөөс зугтах хөдөлгөөн, чичиргээ, дуу чимээг бууруулж, нийт системийн ашиглалтын хугацааг уртасгах чухал үүрэг гүйцэтгэдэг.

Резинэн өргөтгөлийн холбоосны үндсэн бүтэц:

Гол хэсэг (Body): Өндөр уян чанартай резин (EPDM, NBR, Neoprene, NR, FKM гэх мэт).

Арматур (Reinforcement): Дотоод болон гадна давхаргуудад суулгасан даавуун сүлжээ эсвэл ган утастай тор.

Төөгүүр (Flange): Хүчтэй ган эсвэл зэвэрдэггүй гангаар хийсэн, олон улсын стандартын дагуу үйлдвэрлэсэн төөгүүрүүд.

Дотоод хамгаалалт (Lining): Химийн бодис эсэргүүцэх зориулалттай давхарга.

Резинэн өргөтгөлийн холбоосны давуу талууд:

Уян хатан чанар өндөр:
Температурын өөрчлөлт, даралтын хэлбэлзэл, тэлэлт, агшилтад дасан зохицох чадвартай. Ингэснээр хоолойн системийн эвдрэл гэмтлийг бууруулна.
Чичиргээ болон дуу чимээг бууруулах чадвар:
Механик чичиргээг шингээж, дамжуулах хоолойн системд үүсэх дуу чимээ, хөдөлгөөний нөлөөг багасгана.
Урт хугацааны эдэлгээтэй:
Резинэн материалыг нарийн технологиор боловсруулсан тул элэгдэл багатай, хагарал, цууралтад тэсвэртэй, олон жилийн турш хэрэглэж болно.
Төрөл бүрийн бодист тэсвэртэй:
Уур, тос, хүчил, шүлт, давслаг орчин, халуун ус, хий, түлш зэрэгт тэсвэртэй төрөл бүрийн резин сонголттой.
Угсралт суурилуулалт хялбар:
Хөнгөн жинтэй, суурилуулахад тусгай төхөөрөмж шаардахгүй. Зай бага эзэлдэг.
Гэмтэл гарсан тохиолдолд хэсэгчлэн солих боломжтой:
Бүхэл системийг задалж, зогсоохгүйгээр зөвхөн холбоосыг солих боломжтой тул засвар үйлчилгээний зардал буурна.
Аюулгүй байдал сайжирна:
Хэт даралт болон уурын хэлбэлзэлд систем эвдэрч дэлбэрэхээс сэргийлнэ.

Резинэн өргөтгөлийн холбоосны хэрэглээний салбарууд:

Барилгын салбар: Халаалт, хөргөлтийн систем, насосны холболт, усан хангамж, бохир усны шугам

Аж үйлдвэрийн шугам хоолойн системүүд: Газрын тос, химийн үйлдвэр, хүнсний боловсруулах, металлургийн үйлдвэр

Эрчим хүчний станц: Уурын зуух, турбин, хөргөлтийн систем

Далайн болон усан онгоцны үйлдвэрлэл

Ус, дулаан дамжуулах байгууламжууд

Суурилуулалтын зааварчилгаа:

Угсралтын орчныг шалгах:
Холбоос суулгах хэсгийн гадаргуу цэвэрхэн, шороогүй, зэвгүй байх ёстой. Төөгүүрүүд зөв хэмжээтэй, тэгш байх шаардлагатай.

Зөв байрлалд байрлуулах:
Резинэн өргөтгөлийн холбоосыг хоолойн системд хэт мушгихгүй, хүчээр нугалахгүйгээр угсарна. Хамгийн багадаа 1.5-2 мм хэмжээтэй сунах/агших зай үлдээх нь зүйтэй.

Төөгүүрийн боолтыг тэгш хэмээр чангалах:
Бүх боолтыг тэгш хэмжээгээр ээлжлэн чангалах ёстой. Хэт чангалбал резин гэмтэх, харин сул байвал алдагдал үүснэ.

Хэт даралтад өртөхөөс сэргийлэх:
Суурилуулалтын дараа системийг аажмаар ажиллуулж, даралт аажмаар нэмэгдүүлэх хэрэгтэй.

Резинэн өргөтгөлийн холбоосны арчилгаа, урьдчилан сэргийлэх үзлэг:

Тогтмол шалгах: Жилд дор хаяж 2 удаа (улирал солигдох үеэр) резинэн холбоосын гадаргуу, төөгүүрийн нөхцөл, боолтны чангарал, алдагдал байгаа эсэхийг шалгах.
Гадна бүрээсийг шалгах: Хагарал, цоорол, зэв үүссэн эсэхийг тогтмол хянах.
Даралт, температурын тохиргоог баримтлах: Үйлдвэрлэгчийн заасан даралт, температурын хэмжээнээс хэтрэхгүй байхыг анхаарна.
Тос, тослог бодисноос хол байлгах: Хэрэглэж буй резинэн материалд нийцэхгүй тос, уусгагч, шатамхай шингэнд удаан өртвөл резинийг гэмтээдэг.

Цэвэрлэгээний зөвлөмж:

Цэвэрлэгээг зөөлөн даавуу, усаар хийнэ. Хэрэв бохирдол ихтэй бол сул шүлтлэг угаагч бодис хэрэглэж болно.
Шүлт болон хүчиллэг бодис хэрэглэж буй системийн хувьд хамгаалалтын бээлий, хэрэгсэлтэй ажиллах шаардлагатай.
Өндөр даралттай усаар шууд цохиж угаахгүй, ингэснээр резин ховхрох, хамгаалалтын тор гэмтэх эрсдэлтэй.
Угаасны дараа бүрэн хуурай болтол нь хүлээж байж системийг дахин ажиллуулна.

Дашрамд сонирхуулахад, Резинэн өргөтгөлийн холбоос нь өнөөгийн шингэн болон хий дамжуулах хоолойн системүүдийн салшгүй нэгэн чухал бүрэлдэхүүн болж чадсан бөгөөд уян хатан чанар, бат бөх бүтэц, олон талын хэрэглээтэй байдлаараа салбар бүрт өргөн хэрэглэгдэж байна. Зөв сонголт, зөв суурилуулалт, зохистой арчилгаагаар энэ бүтээгдэхүүн олон жилийн туршид найдвартай ажиллагааг баталгаажуулж чадна.